நோக்கமும் செயலும்

சமீப காலங்களில் வரலாறு மற்றும் தொல்லியல் அகழாய்வு பற்றிய புத்தகங்களைத் தேடிப் படித்தும், வரலாற்றுப் படங்களை பார்த்தும் குறிப்பாக, சோழர்களைப் பற்றி தெரிந்துகொள்ளும் ஆர்வமும் நம் மக்களிடையே அதிகமாக இருந்து வருகிறது. அப்படியான மனவோட்டத்தில் 1000 வருடத்திற்கு முன் சோழதேசத்தில் நாம் வாழ்ந்திருந்தால் எப்படி இருந்திருக்கும்? என்று ஒரு கற்பனைக் கேள்வி வருகிறதல்லவா!

அந்தக் கற்பனையைக் காட்சிப்படுத்தும் விதமாக உங்களை ஆயிரம் ஆண்டுகளுக்குப் பின்னோக்கிப் பயணிக்கவைத்து 10-ஆம் நூற்றாண்டின் சோழ தேசத்தில் உலவ விட்டால் எப்படி இருக்கும்? அப்படிப்பட்ட முயற்சியைத் தான் இந்த படத்தில் நாங்கள் மேற்கொண்டிருக்கிறோம்.

புதுமையான பல அனுபவங்களைத் தர இருக்கும் இந்த ‘சோழ தேசம்’ Virtual Reality (VR)  திரைப்பட வரலாற்று ஆய்வுகளில் பெறப்பட்ட செய்திகளை முப்பரிமாணமாக வெளிப்படுத்தும் மற்றும் பொழுதுபோக்கின் வடிவில் தமிழ் வரலாற்று பாடத்தை மக்களுக்கு புகட்ட வேண்டும்  என்பதே எங்களின் நோக்கம்! இந்தப் படம் மாணவர்களுக்கு மிக முக்கியத்துவம் வாய்ந்ததாக இருக்கும். அவர்களுக்கு வரலாற்றின் மீதான ஆர்வம் மற்றும் தேடலை ஊக்கப்படுத்துவதாக அமைந்திருக்கும் என்பதில் ஐயமில்லை. 

இந்தச் சிறப்புமிகு ஆவணத் திரைப்படத்தை Virtual Reality உபகரணங்கள் மூலம் திரையரங்குகள், வணிக வளாகங்கள் (Mall) மற்றும் பள்ளி, கல்லூரிகளில் திரையிடத் திட்டமிட்டு உள்ளோம். முதல் முயற்சியில், பெரும் உழைப்பில் உருவான இந்த நவீன வடிவ Virtual Reality திரைப்படத்தின் தயாரிப்பிலும், அதனைத் திரையிடும் பணியிலும் தாங்களும் தங்களின் பங்களிப்பு செய்து எங்களுடன் கரம் கோர்க்க வேண்டும் என விரும்பி கேட்டுக்கொள்கிறோம். அது எங்களின் தொடர்ந்த படைப்புப் பணிகளுக்கும் ஆக்கமும் ஊக்கமும் தருவதாக அமையும்!